እንዴት ደስተኛ መሆን እንደሚቻል ያዉቃሉ? ወይንስ ደስታ እራሱ ፈልጎ እስኪያገኝዎ ድረስ እየጠበቁት ነዉ? እርስዎ ዘንድ እስኪመጣ ድረስ ጠብቀዉ.. ጠብቀዉ ..ና እስኪመጣ መጠበቅ ሰልችተዎታል? እንግዲያዉስ እርስዎ ዘንድ እስኪመጣ መጠበቁን ይተዉትና ደስታን እርስዎ እራስዎ መፈለግ ይጀምሩ፡፡

በተረት እንደሚባለዉ ደስታ በምትሃት ወይም በአንዳች ነገር የሚመጣ አይደለም፡፡ እንዲያዉም ድንገት እርስዎ ላይ የሚከሰት ክስተትም አይደለም፡፡ እርስዎ እራስዎ የሚያዳብሩት/የሚያሳድጉት ባህሪ ነዉ እንጂ፡፡ ጉዳዩ ይህ ከሆነ ምን እየጠበቁ ነዉ ታዲያ? እንዴት ደስተኛ መሆን እንደሚችሉ /ምን ደስተኛ እንደሚያደርግዎ መፈለግ ይጀምሩ እነጂ! ስለዚህ ደስተኛ/በተቻለ መጠን ደስተኛ ለመሆን እራስን በማለማመድ ደስታን ማግኘት ይቻላል ማለት ነዉ፡፡

እንዴት ደስታኛ መሆን እንደሚቻል ሳይንስ ምን ይላል?
10 በመቶ ብቻ በሚሆኑ በሰዎች መካከል ያለዉ የደስተኝነት አገላለፅ ልዩነት በሁነቶች መለያየት ሊገለፅ ይችላል፡፡ በተረፈ በአብዛኛዉ ሰዎች ላይ ደስተኝነትን የሚወስኑት የሰዎች ስብዕና ሲሆን በተለይ ሊለወጡ የሚችሉ አስተሳሰብና ባህሪይ ናቸዉ፡፡

ምንም እንኳን እርስዎም ብዙ ሰዎች እንደሚያስቡት ደስተኛ መሆን የሚቻለዉ ሀብታም ሆነዉ ሲወለዱ፣ ቆንጆ ሲኮን አሊያም ጭንቀት የሌለበት ኑሮ/ህይወት ሲኖሩ ነዉ የሚል አስተሳሰብ ከሆነ ያልዎት እዉነቱ እንደሱ አይደለም፡፡ ይልቁንስ ሀብት ያላቸዉ ሰዎች፣ቁንጅና ያላቸዉ ወይም ጭንቀት የሌለዉ ኑሮ የሚኖሩ ሰዎች በአቬሬጅ ሲታይ እነዚህን ከላይ የተጠቀሱትን ካልታደሉ ሰዎች ጋር ሲዋዳደሩ ምንም የተለየ/የበለጠ ደስታ የሌላቸዉ መሆኑ ነዉ፡፡

ደስተኛ የሆኑ ሰዎች ደስተኛ ያደረጋቸዉን ነገር የህይወት/የኑሮ ምርጫቸዉ የድምር ዉጤት እንደሆነ የሚረዱ ሲሆን አኗኗራቸዉ በሚከተሉት ድጋፎች ላይ የተመሰረቱ ነዉ፡፡

• ለቤተሰቦቻቸዉና ጓደኞቻቸዉ ጊዜ የሚሰጡ
• ባላቸዉ ነገር የሚደሰቱ/የሚረኩ
• ቀና አመለካከት/አስተሳሰብ ያላቸዉ
• የሚኖሩት ለአላማ እንደሆነ አይንት ስሜት የሚፈጥሩና
• ዛሬን መኖር (Living in the moment) የሚሉት ናቸዉ፡፡

ስለሆነም ደስተኛ ለመሆን፡- መለማመድ፣መለማመድ፣መለማመድ

ደስተኛ ለመሆን እየፈለጉ ከሆነ መለካሙ ዜና ምን እንደሆነ ያዉቃሉ? የደስታዎ መጠን የሚወሰነዉ በምርጫዎ፣ ሀሳብዎና በተግባርዎ ላይ ነዉ፡፡ ምንም እንኳ ቀላል ባይሆንም የደስተኝነትዎን መጠን በተወሰነ መልኩ ከፍ ማድረግ ይችላሉ፡፡ ይህ ለማድረግ የሚከተሉት መንገዶች ሊከተሉ ይችላሉ፡፡

• ከሰዎች ጋር ግንኙነት ለመፍጠር መጣር፡- ደስተኛ
• በኑሮዎ ዉስጥ ምስጋና መልመድ( Express gratitude)
• ለነገሮች ቀና አመለካከት/በጎ በጎ ጎኑን የማየት ባህርይ ማዳበር
• አላማዎ ምን እንደሆነ ማወቅ
• ዛሬን መኖር